Siglir tar il cuntegn

Header

cuntegn

Amazonas En in mais svanida surfatscha uschè gronda sco regiun Malögia

L'Amazonas è in guaud tropic ch'è uschè grond sco l'Europa dal vest ed ha ina muntada per il clima global. En be in mais èn 904 kilometers quadrat svanids pervi da runcadas. Bunamain uschè bler sco la surfatscha da la regiun Malögia (973 km quadrat).

En la regiun da l’Amazonas en la Brasilia è sulet l’october sparì uschè bler guaud tropic sco la surfatscha dal chantun Sviz. Tenor l’institut brasilian Inpe han ins runcà var 904 km² guaud tropic.

Ina part dal guaud tropic a Manaus (BR) ch'è vegnì runcà.
Legenda: Ina part dal guaud tropic a Manaus (BR) ch'è vegnì runcà. Reuters

Tenor l’emettur da televisiun «Globo» è quai la pli gronda runcada il mais d’october dapi set onns. Runcadas ed incendis èn creschids ferm durant il temp d’uffizi da Jair Bolsonaro, che n’è betg pli vegnì reelegì sco president. Protecturas e protecturs da l’ambient speran ch'i vegnia puspè runcà damain guaud sut il nov president Lula Da Silva .

audio
Per tadlar: las novitads da las 14:00
ord RTR Audio dals 12.11.2022.
laschar ir. Durada: 3 minutas 18 Secundas.

RTR novitads 12:00

Artitgels legids il pli savens