Las stentas per proteger dapli territori da l'Antarctica èn restadas senza success. La Cumissiun per mantegnair ils stgazis maritims vivents da l'Antarctica n'ha chattà nagin consens tar sia conferenza a Santiago de Chile. Cunzunt la China e la Russia hajan impedì, da proteger trais novas regiuns fan da savair organisaziuns per la protecziun da l'ambient.
La protecziun da la mar polara dal sid vegnia adina pli impurtanta, di Andrea Kavanagh, ina directura d'ina da las organisaziuns. Plirs stadis han proponì da proteger quatter milliuns kilometers quadrat (100 giadas la surfatscha da la svizra). I fiss stà circa 1% da las mars mundialas.
La conferenza datti dapi 11 onns, ella na haja dentant betg cuntanschì lur finamiras, di il mainafatschenta da l'agid da l'ambient tudestg Sascha Müller-Kraenner. Per la proxima conferenza dovria i per quai l'engaschi dal nivel pli aut politic.
