Uschia daventa il republican Mike Pence er adversari da ses anteriur schef Donald Trump. Lez vul suenter sia terrada il 2020 anc ina giada candidar per il post da president. Dal 2017 enfin 2020 era Mike Pence ch'ha 63 onns stà vicepresident e substitut da Trump. A la fin era el dentant vegnì en il visier d'aderents da Trump. Che Mike Pence ha interess da daventar president aveva el gia annunzià il november en in'intervista a la televisiun. Gia lura aveva el ditg ch'el possia s'imaginar da daventar il cocurrent per Donald Trump.
Cun sia annunzia da candidar datti in ulteriur interessent per il presidi en las retschas dals republicans. Sper Pence vulan tranter auter er il guvernatur da Florida Ron DeSantis e l'anteriura ambassadura americaan da l'ONU Nikki Haley candidar. Ils republicans tschernan lur candidat en ina elecziun interna.
Da la vart dals republicans sa stenta il president actual Joe Biden. Sco president en uffizi vegn el probabel betg a survegnir gronda concurrenza aifer l'atgna partida.
Or da l'archiv
