Siglir tar il cuntegn

Header

cuntegn

Attatga en il Texas Tiradur sto quintar cun la paina da mort

Il tiradur ch'ha mazzà 20 persunas e blessà 26 persunas en in center da cumpra ad El Paso en il Texas sto quintar cun la paina da mort. Il center da cumpra saja stà plain durant l'attatga, ins discurra da var 1'000 fin 3'00 persunas. Il tiradur haja sajettà cun ina buis.

Delict vegn classifitgà sco terror indigen

In pledader da la polizia ha communitgà ch'il delinquent probabel, in um da 21 onns, saja vegnì accusà pervia da mazzament. Ils investigaders en ils Stadis Unids classifitgeschan il delict sco terror indigen.

La regenza mexicana ponderescha medemamain pass giuridics. Il minister da l'exteriur ha discurrì dad in act terroristic encunter Mexicans. Tranter las unfrendas sa chattian 6 persunas dal Mexico e 7 ulteriurs burgais dal Mexico sajan vegnids blessads.

Passend zum Thema

RR novitads 06:00

Artitgels legids il pli savens