En il nord dal Cosovo han persunas cun origin serb attatgà schuldada da la KFOR. 30 sajan vegnì blessadas, hajan ruttadira d'in oss u arsentadas. Quels vegnian da l'Italia e l'Ungaria. Uss datti reacziuns diplomaticas.
Il president da la Serbia Aleksander Vucic ha annunzià da s'inscuntrar cun ambassadurs ed ambassaduras da plirs pajais, tranter auter ils Stadis Unids e la China. La Nato condemnescha la violenza. Ella ha staziunà la schuldada en il Cosovo per mantegnair pasch tranter persunas cun origin serb ed origin albanais en il Cosovo.
Las persunas serbas en il nord dal Cosovo avevan boicottà las elecziuns da plirs presidents communals. Lura han els protestà encunter ch'els entran en uffizi, e durant quels protests blessà la schuldada dal KFOR.
