Ils Stadis Unids han confermà che dronas dal militar american hajan attatgà cumbattants da la milissa terroristica Al Shabaab en la Somalia. Tenor la centrala da commando americana per las intervenziuns en l’Africa han ins coordinà las attatgas cun la regenza da la Somalia. Quellas sajan stadas la reacziun sin l'attentat cun material explosiv a Mogadischu da la sonda passada. En tut haja dà trais attatgas or da l’aria. Quatter terrorists sajan morts.
Bilantscha intermediara
Tar l’attatga a Mogadischu èn 83 persunas mortas. Tranter las unfrendas sa chattan er uffants. Almain 20 persunas èn sparidas. Igl è para grev d'identifitgar las persunas. La polizia ha discurrì la sonda da bunamain 100 persunas mortas. Ins supponia che la milissa Al Schabaab saja responsabla per l’attatga.
RTR novitads 06:00