Australia - Suenter ils incendis suondan las inundaziuns - Novitads

Australia Suenter ils incendis suondan las inundaziuns

Malauras e plievgia da diluvi en l'ost da l'Australia han chaschunà inundaziuns e bovas. L'autoritad d'aura avertescha da malauras en l'entira regiun da la costa da New South Wales. En parts dal stadi federativ è il privel d'inundaziuns privlus per la vita, hai gì num.

Autur: DPA / Lea Livers

Intginas regiuns pli bassas datiers da Sydney han stuì vegnir evacuadas. Dapi ils onns 1990 n'hai betg pli dà tanta plievgia en la citad. Ils ultims quatter dis hai pluvì là total 391,6 millimeters. A Sydney ed il conturn han radund 140'000 chasas gì nagin'electricitad sur notg. La damaun han ins dentant puspè pudì schliar il problem.

Dapi il settember han fieus da chagliom devastà in milliun hectaras terren, intgins fieus ha la plievgia pudì stizzar. Las auras extremas han er chaschunà in chaos da traffic. Bleras vias èn stadas serradas pervi da bovas, inundaziuns e plantas derschidas.