Siglir tar il cuntegn

Header

video
Migrants spendrads avant la costa da la Libia.
Or da News-Clip dals 07.01.2023.
laschar ir. Durada: 39 Secundas.
cuntegn

Avant la costa da la Libya Spendrà passa 100 migrants

Las organisaziuns d'agid «Medis senza cunfins» ed «SOS Méditerranée» han salvà avant la costa da la Libia 110 migrantas e migrants ch'eran en privel da mar. Quels eran en bartgas da gumma surtgargiadas, han communitgà las duas organisaziuns. L'organisaziun «Medis senza cunfins» ha salvà 73 migrantas e migrants e transportà els sin il bastiment da salvament «Geo Barents».

Il bastiment da salvament «Ocean Viking» ha salvà 37 persunas or da la mar davant la costa da la Libia. Quai ha communitgà l’organisaziun d’agid «SOS Méditerranée» sin Twitter. Las autoritads talianas hajan lubì al bastiment da salvament da sbartgar al port d’Ancona a l’Adria. Quel sa chattia passa 1’500 kilometers davent da la zona d’acziun. Quai correspundia ad in temp da viadi da quatter dis, uschia l’organisaziun d’agid vinavant.

RTR novitads

Artitgels legids il pli savens

Scrollar a sanestra Scrollar a dretga