La misticra Marguerite Bays dal chantun Friburg è uffizialmain sontga. Oz ha papa Francestg canonisà ella. Gia il schaner ha il papa renconuschì ina miracla, che qualifitgescha la canonisaziun.
Mircala da Siviriez
Gia il schaner ha il papa renconuschì la miracla da Siviriez, ina miracla, che qualifitgescha da declerar ella sontga. Quella miracla tuna uschia: Il 1998 era ina buoba da dus onns vegnida sut las rodas d'in tractor. Ses tat, ch'aveva vis l'incident, ha lura rugà la beada Marguerite Bays per agid. Sinaquai è la buoba restada sauna e salva.
Anc quatter persunas èn vegnidas canonisadas:
- il cardinal John Henry Newman da la Gronda Britannia (1801-1890)
- la mungia Giuseppina Vannini da Roma (1859-1911)
- la mungia Maria Teresa Chiramel Mankidiyan da l'India (1876-1926)
- la mungia Dulce Lopes Pontes «Angel da Bahia» da la Brasilia (1914-1992)
Trais persunas da la Svizra sontgs
Suenter frar Clau da Flia (Niklaus von der Flüe) (1417-1487) e la chaputschina e missiunara Maria Bernarda Bütler (1848-1924) è Bays la terza persuna da la Svizra ch'è vegnida canonisada.
Ord l'archiv
Mamma Teresa è vegnida canonisada da papa Francestg
RR novitads 14:00