Tar l'explosiun dad in deposit da carburant en la regiun da conflict da Bergkarabach èn mortas almain 20 persunas, ulteriuras 290 persunas sajan vegnidas transportadas en l'ospital cun grevas blessuras. Las infurmaziuns vegnan dal ministeri da sanadad armen en la regiun.
Pliras 10 persunas sajan en privel da vita. La raschun per la catastrofa en la regiun che vegn abitada d'Armenas ed Armens e ch'è vegnida attatgada l'emna passada da l'Aserbaidschan n'è anc betg clera. La politicra Metakse Akopjan pretenda che las persunas hajan vulì cumprar benzin per lur autos per fugir dal conflict tranter l'Armenia ed Aserbaidschan.
