Siglir tar il cuntegn

Header

audio
Per tadlar: las novitads da las 06:00
Or da RTR Audio dals 29.12.2022.
laschar ir. Durada: 5 minutas 33 Secundas.
cuntegn

Bilantscha dal WWF Er l'Europa è pertutgada da la spariziun da spezias

La glista è lunga: passa 42'100 spezias èn sin la glista cotschna èn periclitadas. Betg mo spezias exoticas sco il rinoceros u il pinguin imperatur èn pertutgadas. Er en l'Europa n'èsi cler sche tschertas spezias vegnan a surviver ils proxims onns. Quai scriva il WWF en sia bilantscha annuala.

  • Ils peschs da la Oder èn periclitads tras la catastrofa fatga d'umans. Sturiuns èn morts en grond dumber, il WWF scriva da millis exemplars giuvens, che fissan stads impurtants per la spezia da sturiuns baltics. In'autra spezia da sturiuns, il sturiun da spada, vala davent da quai onn sco morta sin l'entir mund.
Sturiun baltic ch'è vegnì mess en la Oder 2014 per regiuvinar la spezia.
Legenda: Sturiun baltic ch'è vegnis mess en la Oder 2014 per regiuvinar la spezia. Keystone
  • 315 da 890 spezias da mustgas ballantschantas en l'Europa èn periclitadas. Las mustgas èn impurtantas sco impollinaders.
Mustga ballantschanta
Legenda: Mustga ballantschanta Keystone

Il ren en l’Arctica russa tutga er tar ils perdents da l'onn 2022. Da quel datti be anc in quart milliun. Quai pervi da la crisa da clima e fraud.

Tar ils animals ch'han pudì sa revegnir tutgan tighers a Nepal, a Bhutan, en la Russia, la China e l'India. Er squagls possian tutgar tar ils victurs, perquai che bleras spezias èn da nov protegidas.

RTR novitads 06:00

Artitgels legids il pli savens

Scrollar a sanestra Scrollar a dretga