Siglir tar il cuntegn

Header

cuntegn

Conferenza internaziunala Commerzi cun squagls restrenschì per protecziun

La glista cun spezias periclitadas e vegnida engrondida. Da nov valan er per bleras spezias da squagls reglas da commerzi. Uschia dastgan 90% da las spezias da squagls e rajas mo pli vegnidas pestgadas, sche la spezia n'è betg periclitada da murir ora.

Passa 470 spezias d’animals vegnan protegidas meglier en il futur. Quai è il resultat da la conferenza da duas emnas en il Panama ch’è sa fatschentada cun la protecziun da spezias d’animals. Ils 184 pajais ch’eran preschents a la conferenza han approvà in pachet da protecziun per squagls e rajas. Quai cunter la voluntad da naziuns da pestga sco per exempel il Giapun.

Squagl mort
Legenda: Squagl pestgà en la California. Keystone

Il Giapun n'ha betg pudì evitar che per exempel il squagl blau vegn sin la glista. Er blers reptils han ins prendì si da nov.

La protecziun da squagls è cun quai bler pli gronda. Fin uss era mo in quart da tut las spezias protegidas. Uss èn radund 100 spezias da squagls e rajas protegidas, tranter auter quellas che vegnan pestgadas pervia da lur charn ed lur nudaglias.

La glista da protecziun

Sin la glista da spezias protegidas da la conferenza da spezias globala èn gia radund 38'000 spezias. Tar las 470 che vegnan agiuntadas appartegnan per l'emprima giada era plantas tropicas. Las spezias sin la glista dastgan mo pli vegnir nizzegiadas per in commerzi persistent.

Il WWF crititgescha ch'i na saja betg gartegià da proteger spezias che vegnian pigliadas per terraris en l'Europa, sco per exempel serps, tartarugas e rustgs ch'èn en privel da svanir.

audio
Per tadlar: las novitads da las 09:00
ord RTR Audio dals 26.11.2022.
laschar ir. Durada: 3 minutas 50 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga