Siglir tar il cuntegn

Header

cuntegn

Memia chaud Il dumber da peschs morts è alarmant en Svizra

Actualmain crappan blers peschs pervi da la chalira. L’Uniun svizra da pestga discurra en quest connex da dimensiuns istoricas: Tschertas spezias sajan localmain periclitadas existenzialmain da sparir.

En l’entira Svizra Bassa, il Giura dal Sid ed en la Svizra Orientala annunzian pestgaders e chantuns bleras auas setgadas or e peschs crappads. Quai ha communitgà l’uniun. Cunzunt pertutgadas sajan spezias che dependian d’aua fraida – sco per exempel litgivas e litschalas.

Ozendi èn gia  trais quarts da las sorts da peschs indigenas periclitadas ubain svanidas. 20 grads muntan gia stress per ils animals e sche l’aua cuntanscha 25 grads è lur vita periclitada. Actual mesiran ins en bler dutgs e flums temperaturas da record – savens da passa 25 grads.

audio
Per tadlar: curt e cumpact
ord RTR Audio dals 12.08.2022.
laschar ir. Durada: 52 Secundas.

RTR novitads 11:00

Artitgels legids il pli savens