Siglir tar il cuntegn

Header

cuntegn

Biontech Terza dosa dal vaccin gia suenter trais mais

Il cunfundatur da Biontech Ugur Sahin è s'exprimì persuenter da sa laschar dar la terza dosa dal vaccin da corona gia trais mais suenter la segunda. En vista a la nova varianta Omicron na sajan duas dosas anc nagina vaccinaziun cun avunda protecziun, uschia Sahin.

Vaccinaziun suenter trais mais

Sche Omicron sa derasia, sco ch'i vesa ora vinavant, faschessi scientificamain senn da gia porscher il booster suenter trais mais, ha declerà il manager envers il magazin «Spiegel». Ordavant era gia il manader da l'autoritad europeica per medicaments s'exprimì per ina terza vaccinaziun suenter trais mais. Sche Biontech vegnia a producir in spezial vaccin cunter la nova varianta Omicron, na saja anc betg decidì. Era il booster cun il primar vaccin pudess tanscher.

Ord l'archiv

video
Start per il booster en Grischun – Marina Jamnicki declera
Or da Telesguard dals 30.11.2021.
laschar ir. Durada: 2 minutas 59 Secundas.

RTR novitads 08:00

Artitgels legids il pli savens