Siglir tar il cuntegn

Header

audio
Booster en Grischun: Dumondas e respostas
Or da Co e cum dals 29.11.2021.
abspielen. Laufzeit 4 minutas 7 Sekunden.
cuntegn

Grischun Booster uss era per persunas sur 16 onns

A partir da glindesdi èsi pussaivel da laschar dar il vaccin da booster en il chantun Grischun per tuttas persunas sur 16 onns. Quai è ina part da la strategia da protecziun dal chantun Grischun per quest enviern. Uss saja fitg impurtant da far la vaccinaziun da rinfrestgament, l’uschenumnà «booster.» Quai surtut era en vista dad «omicron», la nova varianta dal coronavirus. Da quest avis è la media chantunala Marina Jamnicki. Sch’il booster haja il medem effect sin «omicron» sco sin las variantas gia enconuschentas, na saja anc betg cler. Impurtant saja uss dad observar vinavant la situaziun, uschia la media chantunala vinavant.

Tgi po sa laschar vaccinar?

Per pudair sa laschar vaccinar ston ins esser immunisà avant 6 mais. Quai munta che il davos vaccin sto esser 6 mais enavos.

Tge vaccin?

A tut las persunas sut 30 onns cusseglia Swissmedic da laschar dar il vaccin da Pfizer/Biontech. A tut tschellas persunas vegn cusseglià da laschar dar il medem vaccin sco gia tar las emprimas duas giadas. Il vaccin da Pfizer/Biontech è lubì sco booster davent da 16 onns. Il vaccin da booster da Moderna è lubì a partir da 18 onns. Per persunas ch'èn periclitadas spezialmain dal virus ha Swissmedic lubì in vaccin da booster a partir da 12 onns. Per questa excepziun vegnian omadus vaccins en dumonda.

Nua pon ins laschar dar il booster?

Il vaccin da booster po vegnir fatgs en tut ils lieus nua ch'ins po era uschiglio laschar vaccinar. Quai vul dir tar tscherts medis da chasa, en tschertas apotecas ed en ils centers da vaccinar dal chantun. Sin la pagina covid19.impf-check.ch pon ins guardar sch'igl è gia pussaivel da laschar vaccinar cun il booster. Per quels che n'han betg internet èsi era pussaivel da s'annunziar sur la hotline u directamain tar il lieu, nua ch'ins vul laschar vaccinar.

video
Start per il booster en Grischun – Marina Jamnicki declera
Or da Telesguard dals 30.11.2021.
abspielen. Laufzeit 2 minutas 59 Sekunden.

RTR actualitad 11:15

Artitgels legids il pli savens

Scrollar a sanestra Scrollar a dretga