L'organisaziun mundiala da la sanadad WHO parta dal fatg ch'i dat ina ulteriura derasaziun globala cun la nova varianta dal coronavirus omicron. La ristga saja fitg gronda ed en intginas regiuns smanatschian seriusas consequenzas.
La WHO appellescha perquai als stadis d'augmentar il tempo da vaccinar persunas cun ina fitg auta ristga da s'infectar. Ins stoppia quintar cun in creschament dal dumbers dals cas da Covid-19. Era persunas gia viroladas possian vegnir malsaunas, dentant en ina pitschna e prevesibla relaziun.
Per pudair stimar las consequenzas effectivas da la nova varianta dovria ussa in'ulteriura perscrutaziun. La varianta dal virus è entant er arrivada en l'Europa ed er en Svizra datti in emprim cas da suspect.
