Gia il mardi aveva il BAG confermà via Twitter ils emprims dus cas da la varianta omicron en Svizra. Pertutgadas èn duas persunas ch'èn stadas en contact ina cun l'autra. Ellas sa chattian en isolaziun. Gia ils 28 da november aveva il BAG annunzià ch'i dettia in cas ch'i vegnia supponida la nova varianta.
Ils ultims dis avevan adina dapli pajais enturn la Svizra annunzià cas da la nova varianta. Quella vala tenor l'Organisaziun mundiala da sanadad sco «inquietanta».
Ulteriurs pajais sin glista da quarantina
La Confederaziun metta quatter ulteriurs pajais sin la glista da quarantina. Tgi che vegn da l’Angola, l’Australia il Danemarc u la Sambia en Svizra sto avair in test negativ ed ir per 10 dis en quarantina. Questa regla vala a partir dals 29 da november e duai franar la derasaziun da la nova varianta dal virus – omicron .
En tut ha la Svizra uss 19 pajais sin la glista da quarantina, ha communitgà il Departament da l’intern.
