Siglir tar il cuntegn

Header

cuntegn

Omicron sa derasa Pajais Bass annunzia 13 cas da la nova varianta dal coronavirus

13 dals 61 passagiers che sajan turnads il venderdi da l’Africa dal Sid, sajan vegnids testads positivs sin la nova varianta. Quai ha communitgà il ministeri da sanadad ollandais. Tut las persunas infectadas sajan en isolaziun.

Totalmain ha il ministeri da sanadad testà a l'eroport Schiphol 624 passagiers da dus aviuns da la societad KLM derivant da Kapstad e Johannesburg. Tut ils pertutgads èn vegnids isolads en in hotel da quarantina. Las consequenzas d'ina infecziun cun il nov virus da corona sajan anc nuncleras. «Cun segirtad savain nus ch'el è pli contagius che la varianta Delta», ha il minister de Jonge ditg. Entant èn las reglas per entrar en in aviun da la KLM en l'Africa dal Sid vegnidas rinforzadas.

RTR novitads 17:00

Artitgels legids il pli savens