Las suspensiuns cunter il anteriur president da la FIFA Joseph Blatter ed il president da l’UEFA Michel Platini èn vegnidas reducidas da la cumissiun da recurs da la FIFA sin 6 onns. La dumonda da Blatter dad annullar la suspensiun nun ha la cumissiun da recurs betg acceptà En l’emprima instanza aveva la cumissiun etica serra ils dus funcziunaris per 8 onns. Suenter che Blatter e Platini èn vegnids interrogads ha la cumissiun da recurs constatà che plirs puncts na sajan betg vegnids resguardads da la cumissiun etica.
Blatter e Platini betg a las elecziuns dal president nov
Blatter e Plattini na vegnan betg a pudair sa participar al congress d'elecziun da la FIFA da proxim venderdi. Là vegn elegì il successur da Blatter senza cabinas d’elecziun transparentas. Il Tribunal federal da sport ha renvià questa proposta sco er da spustar las elecziuns. L’anteriur vicepresident da la FIFA e candidat per il post da president prinzi Ali bin al-Hussein da la Jordania aveva fatg questa proposta.
RR novitads 20:00
