Siglir tar il cuntegn

Header

cuntegn

Brexit UE conceda ulteriur spustament

Sin giavisch da la Gronda Britannia prolunghescha l’Uniun europeica il termin dal Brexit per ulteriurs trais mais fin la fin da schaner da l’auter onn. Quai ha communitgà il president da la cumissiun da l’UE, Donald Tusk, via Twitter.

Sche la ratificaziun da la nova cunvegna gartegia avant, è la sortida britannica da l'UE er pussaivla avant la fin da schaner. En sasez eri planisà che la Gronda Britannia sortia da l’UE la fin dal mais.

La chombra dals deputads aveva però decis da spustar la votaziun davart la cunvegna dal Brexit actuala. Tenor lescha è la regenza dal primminister Boris Johnson uschia stada obligada da tschentar la dumonda a l’UE.

Il primminister ha er anc vulì laschar votar il parlament davart elecziuns novas ils 12 da december. L'ultim n'ha el dentant betg dumagnà ensemen ina maioritad ed er en la dispita davart il Brexit ha el stuì cumbatter per mintga vusch. Per pudair far elecziuns novas dovra Johnson ina maioritad da dus terzs.

RR novitads 11:00