L'Uniun europeica lantscha ina procedura cunter la Gronda Britannia pervi d'avair violà il contract da sortida da l'UE. Quai ha la cumissiun da l'UE communitgà oz.
La raschun è ina dispita davart la realisaziun da las reglamentaziuns spezialas da Brexit per la provinza britannica da l'Irlanda dal Nord. Oriund era definì ch'i dettia anc regulaziuns d'export spezialas per l'Irlanda dal Nord, enfin la fin da mars. Ma la Gronda Britannia ha prolungà quellas da sia vart enfin la fin october. Quai cuntrafetschia a la cunvegna da Brexit.
audio
Per tadlar: las novitads da las 17:00
ord RTR Audio dals 15.03.2021.
laschar ir. Durada: 4 minutas 40 Secundas.
