Gia l'emna passada ha la bursa svizra serrà cun ina perdita massiva da 14%. Bunamain 10% èn ids a perder sulettamain la gievgia. Ed oz hai entschet en l'Asia cun ina tendenza negativa. Era las intervenziuns da las pli grondas bancas centralas dal mund n'han betg pudì midar la tendenza.
Pudess dar circul vizius
Commerziants discurran d'ina spirala privlusa. Il fatg che tut ils participants valiteschian la situaziun da di tar di pli dramatic, rinforzia la tema dals investiders. Cifras negativas mussan era la bursa da la Germania cun il DAX ch'è ì sut 9'000 puncts, il Nikkei giapunais è crudà sin radund 17'000 puncts ed il SMI svizzer è stà tar stgars 8050 puncts.
Cifras flaivlas da l'economia chinaisa
Ina particularmain nauscha influenza han las datas da la China gì. Tant la producziun industriala sco era la svieuta dal commerzi en detagl èn stadas marcantamain mendras che spetgà.