Siglir tar il cuntegn

Header

video
Chauma naziunala cunter refurma da rentas da Macron
Or da SRF News dals 05.12.2019.
laschar ir. Durada: 1 minuta 35 Secundas.
cuntegn

Chauma en Frantscha Protests cunter refurma da rentas cuntinueschan

Anc nagina normalitad en Frantscha. Er oz vegnan ils protests cunter la refurma da rentas dal president franzos Emmanuel Macron a disturbar la vita publica. Ils lavurers da la viafier statala SNCF vulan cuntinuar cun lur chauma. Da 10 trens da TGV vegnia be in a charrar ed er il traffic regiunal vegnia ad esser reducì sin 30% dal traffic usità. Pertutgadas èn er las colliaziuns da la Frantscha en Svizra.

Refurma da rentas en Frantscha

Avrir la box Serrar la box

Cun la refurma da rentas vul la regenza dal center dal primminister Édourad Philippe far fin a la divisiun en 42 sistems singuls per tschertas gruppas da professiun. Reglamentaziuns spezialas che vegnan interpretadas dals auters sco privilegis datti per exempel per ils impiegads da la viafier u da l'economia d'energia. Uschia pon locomotivists teoreticamain ir il mument cun 50 onns en pensiun. La vegliadetgna da pensiun regulara vegn cuntanschida cun 62 onns.

En futur duai in sistem da puncts decider davart l'autezza da la renta. Ultra da quai vul la regenza motivar la glieud da lavurar pli ditg.

La refurma da rentas è in project dal president franzos Emmanuel Macron. Sia pli gronda contrahenta, la populista da la dretga Marine Le Pen, ha gia pretendì il referendum tar la refurma dispitaivla.

Er en la chapitala da la Frantscha vegn fatg chauma tar il traffic public. 10 Lingias da metro vegnan a restar serradas dal tut. Quatter lingias vegnan be a cursar durant ils temps da grond traffic.

Gia la gievgia èn bleras scolas stadas serradas ed emploiads da plazzas aviaticas ed ospitals, sco era ils pumpiers e la polizia han fatg chauma.

Tenor ils sindicats èn enturn 1,5 milliuns persunas idas sin via. Il ministeri da l'intern ha discurrì da bun 800'000 persunas.

RR novitads 06:00

Artitgels legids il pli savens