En la citad chinaisa da Tianjin ston 14'000'000 persunas sa laschar testar perquai ch'i ha dà 20 novas infecziuns da corona, da quai duas cun Omicron. Las autoritads quintan da vegnir a fin cun ils tests en dus dis. Tianjin sa chatta en la vischinanza da Peking, nua ch'ils gieus olimpics vegnan organisads il favrer. La China persequitescha vinavant la strategia da nulla-Covid. La citad da Xi'an en la China centrala è dapi duas emnas en in Lockdown, era en la provinza Henan datti ina nova unda da cas da corona.
Ils gieus olimpics duain avair lieu en in uschè numna «Ballun», ina zona serrada, per evitar infecziuns.
