A la conferenza internaziunala davart il clima en l'Egipta èn ils represchentants da radund 200 stadis sa cunvegnids ad ina decleraziun. Els vulan reducir da brischar cotgla e crear in fond per indemnisar stadis pli paupers. Quai per donns chaschunads tras il stgaudament climatic, sco per exempel setgiras, inundaziuns e stemprads, ma er il livel da la mar che crescha e deserts che sa furman. Quest nov fond è stà il punct il pli dispitaivel da l’entira conferenza ch’ha cuzzà duas emnas. Ils detagls vegnan decidì da la proxima conferenza, per exempel quant bler che mintga singul stadi sto contribuir finanzialmain.
Tenor il manader da la delegaziun svizra tar la conferenza dal clima, Franz Perrez ha quella purtà be levs progress en la politica dal clima. Per l'Uniun europeica é la decleraziun finala nunsuffizienta e sbagliada, ha il viceschef da la cumissiun da l'UE Frans Timmermans ditg. Sco Simonetta Sommaruga scriva sin Twitter n'è la conferenza betg stada in success:
Ella vesa dentant era puncts positivs, i na saja anc betg memia tard:
Or da l'archiv:
