Siglir tar il cuntegn

Header

cuntegn

Congress da partida Tensiuns tranter China e Taiwan restan

Il Taiwan ha crititgà las remartgas da la China davart ina reuniun. Il Taiwan saja in stadi suveran – ha communitgà l’uffizi presidial. En pli sajan tant la China sco il Taiwan responsabels per garantir pasch e stabilitad.

En ses pled d’avertura dal congress da la partida communista ha il president chinais Xi Jinping tranter auter ditg ch’i vegnia a dar ina reuniun cun il Taiwan. Quella duess sche pussaivel esser paschaivla. Dentant na vegnia la China mai ad empermetter da betg far diever da violenza.

En pli ha Xi defendì la politica da «nulla Covid» dal pajais. La pli auta prioritad hajan ils umans e lur sanadad. En consequenza da questa strategia rigurusa ha il pajais tranter auter isolà entiras citads dal rest dal mund e rinforzà las controllas socialas. 

audio
Per tadlar: las novitads da las 12:00
ord RTR Audio dals 16.10.2022.
laschar ir. Durada: 5 minutas 48 Secundas.

RTR novitads 12:00

Artitgels legids il pli savens