Siglir tar il cuntegn

Header

Minister da sanadad austriac Johannes Rauch.
Legenda: Minister da sanadad austriac Johannes Rauch. Keystone
cuntegn

Corona Austria vul puspè stadi normal, malgrà che pandemia cuntinuescha

L'Austria vul abolir en il decurs da l'onn tut las leschas da corona restantas. Il minister da sanadad Johannes Rauch ha ditg a la «Kronen Zeitung» ch'il pajais duai puspè midar en il stadi normal.

En l'Austria vala corona il mument anc sco ina malsogna ch'ins sto annunziar obligatoricamain. Cun abolir tut las leschas da corona na stuess ins era betg pli purtar mascrinas en il traffic public a Vienna. Tenor Rauch na vegn corona betg a svanir. L'Austria saja dentant bain equipada per exempel cun vaccinaziuns e medicaments.

Las autas cifras en la China n'èn betg ina gronda sfida. «Actualmain na ves'jau betg in privel grond», di il minister da sanadad. En la China èn milliuns s'infectads cun il virus suenter che la regenza ha dà si la politica da «nulla» covid.

Situaziun actuala en la China

Avrir la box Serrar la box

Bunamain 60'000 persunas sajan mortas cun ina vegliadetgna media dad 80 onns, han communitgà las autoritads da sanadad chinaisas. Da quellas sajan 5'500 mortas mo en consequenza dal coronavirus. La gronda part dals letgs en ils ospitals en la China èn il mument occupads. Or da vista da las autoritads chinaisas a Peking è la culminaziun dentant surmuntada.

Perquai han politichers svizzers gia pretendì restricziuns da viagiar per Chinais e Chinaisas che vegnan en Svizra.

Nova varianta XBB.1.5

Entant sa derasa en ils Stadis Unids gia ina nova varianta. Ella è tenor l'Uffizi da sanadad CDC gia responsabla per 28% dals cas en ils Stadis Unids. Cas singuls da la varianta èn gia enconuschents en Svizra ed en l'Austria. Tenor il stan dals 12-01-2023 na para betg che la nova varianta è pli privlusa.

Tenor l'ordinaziun da Covid-19 è il «stadi spezial» en Svizra gia a fin dapi il prim d'avrigl 2022. Per ordinar mesiras cunter il virus da corona stuess la Confederaziun emprim puspè declerar il «stadi spezial» avant ch'ella po decider davart mesiras.

audio
Per tadlar: las novitads da las 20:00
ord RTR Audio dals 16.01.2023.
laschar ir. Durada: 1 minuta 56 Secundas.

RTR novitads 20:00

Artitgels legids il pli savens

Scrollar a sanestra Scrollar a dretga