Siglir tar il cuntegn

Header

Sebatian Kurz
Legenda: Keystone
cuntegn

Coronavirus Austria schlucca mesiras

Entant che la Frantscha ha decis da prolungar sias mesiras da corona fin ils 11 da matg cumenza l'Austria glindesdi a schluccar quellas pass per pass.

Uschia dastgan en l'Austria puspè avrir fatschentas pitschnas e martgads da construcziun e da curtin. Il dumber da las persunas en las fatschentas resta però limità. Plinavant ston la glieud purtar ina mascra da protecziun. A partir da glindesdi vala l'obligatori da mascras er per il traffic public.

Il plan dal chancelier austriac Sebastian Kurz prevesa plinavant d'avrir a partir dal matg fatschentas pli grondas e coiffeurs. Fin lura valan las restricziun da sortir però vinavant.

Macron ha prolungà las mesiras en Frantscha

Da fertant ha la regenza franzosa decis da prolungar las mesiras enfin ils 11 da matg. A partir da lura prevesa il pajais da schluccar zic a zic las mesiras ed avrir scolas e fatschentas. Restaurants, cafés e bars duain dentant restar serrads enavant, quai ha ditg il president franzos Emmanuel Macron en ses pled a la televisiun. Ins fetschia bain progress ma i dovria anc dapli perseveranza. Franzosas e franzos dastgan be bandunar la chasa per ir a lavurar u cumprar en. Persunas en la gruppa da ristg ston restar a chasa.

RTR novitads 08:00

Artitgels legids il pli savens

Ir a sanester Ir a dretg