Siglir tar il cuntegn

Header

cuntegn

Scumond da sortir Mesiras en l'Austria paran da mussar effect

Il cumbat encunter la derasaziun dal coronavirus para da mussar effect en l'Austria. Il dumber da novs cas d'infecziun è creschì tranter sonda e dumengia be per 15%, u per 430 cas, sin total 3'244 infecziuns, ha declerà il minister da sanadad Rudolf Anschober la dumengia. Avant las restricziuns severas da sortir ha l'Austria gì in augment d'infecziuns da 40% en in di.

Las mesiras entschaivan pia a mussar effect. Il svilup da las cifras d'infecziuns sto dentant vinavant ir engiu, l'augment è anc adina bler memia aut. Nus stuain smatgar giuadora l'augment entras quai che nus sa tegnain a moda consequenta vid las restricziuns.
Autur: Rudolf AnschoberMinister da sanadad da l'Austria

Anschober ha agiuntà ch'ins saja sin la dretga via, ma ch'ins na possia betg laschar luc ussa. Tuts stoppian gidar cun per vinavant sbassar la curva. Be uschia saja la crisa da dumagnar. Finamira saja da vegnir fin Pasca tar dumbers cun be ina cifra.

Ord l'archiv:

Video
L'Austria reducescha sin il minimum
Or da Tagesschau dals 17.03.2020.
laschar ir

RTR novitads 06:00

Artitgels legì il pli savens

Nach links scrollen Nach rechts scrollen