Il schef da mafia sicilian Matteo Messina Denaro ch'è vegnì tschiffà il schaner da quest onn suenter 30 onns en fugia è mort, quai rapporta l'agentura da novitad Ansa. Las mesiras per mantegnair la vita èn vegnidas sistidas avant, quai ha communitgà l'ospital da la citad centrala da L'Aquila.
Suenter sia arrestaziun il schaner era el vegnì arrestà en ina praschun d'auta segirezza a L'Aquila. Messina Denaro vala sco ultim grond «boss» da la Cosa Nostra siciliana, ma er sco liom cun la 'Ndrangheta da la Calabria en l'affar da cocain.
El è vegnì sentenzià pervi da sia participaziun a tozzels d'assassinats. El dess er star davos ils attentats da bumbas da l'onn 1992, ch'han mazzà ils procuraturs d'anti mafia Giovanni Falcone e Paolo Borsellino.
Adattà al tema
Er en Svizra è la mafia preschenta. Nicoletta della Valle è sa mess co finamira da far chommas ad ella. La directura da l’Uffizi federal da polizia (Fedpol) vul sensibilisar e far attent sin in problem ch'è pli grond che ch'ina gronda part pensa. Cun RTR ha ella discurrì davart la preschientscha da la mafia en Svizra.
