L'organisaziun mundiala da la sanadad WHO avertescha dad eventualas consequenzas tardivas d'ina infecziun cun Covid-19. Il schef da la WHO Tedros Ghebreyesus ha ditg a Genevra -per bleras persunas haja il virus consequenzas durablas. Alarmant saja ch'i dettia blers differents sintoms che cuzzian per part plir mais. Pertutgads sajan pazients che sajan vegnids tgirads en l'ospital sco er tals che hajan fatg tras la malsogna a chasa.
audio
Tedros Adhanom Ghebreyesus
ord RTR Audio dals 31.10.2020.
laschar ir. Durada: 11 Secundas.
Ils sintoms sajan per exempel stancladad, problems da trair flad, donns vi da organs u schizunt effects neurologs e psicologics, ha declerà il schef da la WHO. Enfin ch'i dettia in vaccin stoppian las regenzas e la glieud far tut per franar la derasaziun dal virus.