En ils Stadis Unids da l'America datti entant passa in mez milliun infecziuns confermadas dal coronavirus. L'universitad Johns Hopkins a Baltimore ha registrà tranter gievgia e venderdi sontg 2'108 mortoris. Calculaziuns avevan preditg ch'il punct culminant da l'epidemia en ils Stadis Unids pudess esser mez avrigl.
Fin uss èn mortas en ils Stadis Unids bunamain 19'000 persunas.
Scolas a New York restan serradas
A New York restan las scolas serradas enfin il settember. Ellas na vegnian betg pli ad avrir las portas l'onn da scola current. Quai ha ditg il president da la citad, Bill de Blasio.
A New York, in dals centers da l'epidemia da corona, eri atgnamain planisà d'avrir las scolas il 20 d'avrigl.
Cas confermads tenor pajais
Ord l'archiv
video
Trump prolunghescha mesiras da protecziun
Or da News-Clip dals 30.03.2020.
laschar ir. Durada: 44 Secundas.
