Siglir tar il cuntegn

Header

video
Crudada en l'Iran: Forsa è aviun vegnì tutgà per sbagl
Or da 10vor10 dals 09.01.2020.
laschar ir
cuntegn

Crudada d'aviun Iran Indizis sin bumbardament da la Boeing 737

  • Las regenzas dal Canada e da la Gronda Britannia han tenor atgnas indicaziuns infurmaziuns che mussan si – che l'Iran haja sajettà sin l'aviun, eventualmain senza intenziun.
  • Questa teoria supponan er ils Stadis Unids, quai rapportan medias americanas.
  • L'Iran perencunter refusa speculaziuns d'avair sajettà giu l'aviun Boeing 737.
video
Quest video che la New York Times ha publitgà, duai mussar co l'aviun vegn sajettà giu
Or da SRF News dals 10.01.2020.
laschar ir

«Nus avain infurmaziuns da pliras funtaunas, da noss alliads ed atgnas infurmaziuns. E questas infurmaziuns mussan si, che l'aviun saja vegnì sajettà giu d'ina racheta terra-aria iranaisa», ha ditg il primminister canadais Justin Trudeau en la televisiun. «Igl è pussaivel che quai saja capità senza intenziun».

video
Trudeau vul laschar sclerir las raschuns per la crudada d'aviun
Or da News-Clip dals 09.01.2020.
laschar ir

Il primminister britannic Boris Johnson ha discurrì d'in «corpus d'infurmaziuns» che dettian indizis sin in bumbardament entras rachetas iranaisas.

L'autoritad d'aviatica civila iranaisa renviescha questas supposiziuns. Scientificamain na saja quai gnanc pussaivel. L'Iran vul uss er integrar experts da l'exteriur per intercurir la catastrofa – tranter auter americans.
L'autoritad americana da segirezza dal traffic ha declerà ch'ella saja da la partida. La Frantscha è era pronta da contribuir expertisa necessaria per slerir il cas, ha ditg il minister da l'exteriur franzos, Jean-Yves Le Drian.

Tar la crudada da l'aviun ucranais en l'Iran, èn morts tut ils 176 passagiers e commembers da l'equipa a bord. Tranter ils morts sa chattan er 63 passagiers canadais.

RTR novitads 06:00

Artitgels legids il pli savens

Ir a sanester Ir a dretg