Siglir tar il cuntegn

Header

Navigaziun

cuntegn

Cunvegna d'atom Iran vul augmentar concentraziun d'uran

Tenor atgnas indicaziuns na vul l'Iran betg pli sa tegnair vi da la limita lubida da 3,67% per concentrar uran. Tenor basegn vul l'Iran augmentar la concentraziun d'uran sin 5 fin 20%.

La dumonda da la concentraziun d'uran

Personen-Box aufklappenPersonen-Box zuklappen

La concentraziun da l'uran è il punct neuralgic en la cunvegna d'atom. Tenor la cunvegna d'atom dal 2015 dastga l'Iran concentrar uran fin maximum a 3,67%. Uran concentrà po vegnir duvrà per dievers civils, ma er per construir ina bumba atomica. Decisiv è il grad da l'isotop U235 che po vegnir spartì.

Uran natiral ha ina concentraziun dad U235 da 0,7%. Ina concentraziun da 3,5 fin 5% vegn duvrada per producir energia atomara. In grad da 20% vegn duvrà per il diever medicinal. Per construir ina bumba atomica dovri ina concentraziun da 90%.

Cunvegna vul evitar armas atomicas en l'Iran

La cunvegna ch'era vegnida suttascritta il 2015 tranter las pussanzas da veto da l'ONU e l'Iran vuleva impedir ch'il pajais construeschia ina bumba atomara. Sco cuntramesira eran las sancziuns economicas cunter l'Iran vegnidas abolidas. L'onn passà en ils Stadis Unids però sortids da la cunvegna ed han decis sancziuns encunter l'Iran.

Avant dus mais aveva la regenza a Teheran perquai appellà als partenaris da cunvegna da chattar ina soluziun, autramain sortia l'Iran da la cunvegna.

Uniun europeica extrem preoccupada

L'Uniun europeica ha en sia reacziun accentuà ch'ella saja extrem pre-occupada pervia da l'annunzia da l'Iran d'augmentar la concentraziun da l'uran ed uschia rumper la cunvegna d'atom. L'incumbensada da l'UE per l'exteriur, Federica Mocherini, ha entant appellà a l'Iran da franar tut las actitivads che cuntrafetschian a la cunvegna.

RR novitads 15:00