Markus Söder daventa – sco unic candidat – cun 87,4% da las vuschs (674 da 771 vuschs) novavel schef da partida da la CSU. Malgrà ch'el ha manchentà sia finamira da survegnir in GEA da 90% da las delegiads e delegiats saja el sa mussà cuntents cun il resultat, scrivan las agenturas.
Fin dad in'era tar la CSU
Cun la midada da timun da Horst Seehofer a Markus Söder va a fin in'era da la partida tudestga CSU. L'agentura da novitads tudestga DPA ha fatg ora che Horst Seehofer (69) dettia giu la sonda suenter exact 3'739 dis l'uffizi dal schef da partida. Las 852 persunas a la delegiada extraordinaria da la CSU a Minca hajan engrazià a Seehofer cun in applaus en pe per ses merits.
CSU vul sa refurmar fin l'atun
La CSU n'ha dentant betg be elegì in nov schef da partida. Fin l'atun 2019 vul la partida sa refurmar. Ella ha da magunar nauschs resultats electorals e temps turbulents en la politica naziunala cun las divergentas tranter Horst Seehofer e la chanceliera Angela Merkel.
Tut quai ha indeblì la posiziun da Seehofer en sia partida da tala maniera, ch'el ha stuì annunziar da sa retrair sco primminister e lura er sco schef da partida.
RR novitads 14:00
