Siglir tar il cuntegn

Header

cuntegn

Dependenza da nicotin Scumond da cigarettas electronicas en l'Australia

Cigarettas electronicas sajan vegnidas vendidas sco med terapeutic, per gidar da chalar da fimar. Betg sco product da consum. Dentant sajan ellas vegnidas gest quai, di il minister da sanadad australian. Las cigarettas sajan in grond problem per la sanadad publica. Cunzunt giuvenils sajan periclitads.

Perquai scumonda l'Australia d'importar cigarettas electronicas a diever unic. Il scumond duai valair davent da l'onn nov. La regenza veglia uschia cumbatter il consum da cigarettas electronicas. Medis e tgirunzas pon vinavant prescriver uschenumnads vapurisaders per pazientas e pazients.

Sco ina experta da sanadad di envers il «Guardian», duai il scumond far responsabel producents da vapurisaders ed il commerzi. Els fetschian dependents giuvenils cun vapurisaders bun-martgads cun gusts da fritgs e spezarias.

Ultra dal scumond vegn la regenza ad introducir ina legislaziun per prevegnir a la producziun indigena, il marketing, l'offerta ed il possess commerzial da vapurisaders che n'èn betg terapeutics.

RTR novitads 06:00

Artitgels legids il pli savens