In'emprima examinaziun haja mussà che la polizia haja gia survegnì baud la saira telefons, tenor il schef da l'Uffizi naziunal da polizia Yoon Hee Keun. Quels hajan avertì da la massa da glieud. Ils polizists n'hajan dentant betg reagì a moda suffizienta. Uss hajan ins instradà ina investigaziun interna.
Dieschmillis èn sa radunads durant la notg da Halloween en il quartier d'ir en sortida Itaewon. La festa n'era betg organisada. La fulla da glieud ha chaschunà che 156 persunas èn stenschidas u vegnidas smatgadas en ina streglia stretga. Ulteriuras 149 persunas èn vegnidas blessadas, 30 da quellas grevamain. Sut las victimas mortalas èn 26 persunas or d'auters pajais. Uschia las cifras dal ministeri da l'intern.
audio
Per tadlar: las novitads da las 10:00
ord RTR Audio dals 01.11.2022.
laschar ir. Durada: 3 minutas 32 Secundas.