Siglir tar il cuntegn

Header

video
Trump: USA termineschan collavuraziun cun WHO
Or da News-Clip dals 29.05.2020.
laschar ir
cuntegn

Dispita escalescha Trump terminescha collavuraziun cun WHO

Ils Stadis Unids termineschan lur collavuraziun cun l'organisaziun per sanadad mundiala WHO. Quai ha il president american Donald Trump annunzià ad ina conferenza da medias en la Chas'alva. President Trump ha ditg, ch'ils daners che sajan ids fin ussa a la WHO giajan en l'avegnir ad auters projects da sanadad mundials.

Danovamain ha Trump renfatschà a l'organisaziun da vegnir controllada da la China. Latiers ha el inculpà Peking da betg avair impedì ch'il coronavirus sa derasia.

Appel da l'Uniun europeica

Ils Stadis Unids duain anc ina giada ponderar sch’els veglian propi bandunar l’Organisaziun mundiala da sanadad. En il cumbat cunter il coronavirus dovria collavuraziun e solidaritad globala, hai num en ina decleraziun da l’Uniun Europeica.

RTR novitads 22:00

Artitgels legids il pli savens

Ir a sanester Ir a dretg