La bova è vegnida giu suenter in stemprà curt avant las 18:00 en la vischnanca Cormayeur. La Val Ferret ch'è pertutgada n'è betg pli cuntanschibla cun l'auto. Passa 200 persunas èn stadas bloccadas sur notg en la Val Ferret.
Las autoritads na sclaudan betg ch'i pudess avair dà anc dapli unfrendas. La via era frequentada bain, cura che la bova è ida a val. Emprims sgols sur la regiun hajan mussà che anc auters autos èn pertutgads.
Tar ils dus morts sa tracti tenor l'agentura da novitads taliana Ansa d'in turist da Milaun da 71 onns e sia dunna. Lezza valeva l'entschatta anc sco sparida. Ils sgols eran vegnids interruts durant la notg per motivs da segirezza.
RR novitads 06:00
