Porsche va a la bursa la fin dal settember per sa procurar dapli daners. Il concern-mamma Volkswagen ha communitgà che l'entrada en la bursa duai capitar anc quest mais. Cun l'entrada po il concern procurar circa 9 milliardas euros. Il grond acziunari VW vegn a cumprar ulteriuras aczias per circa 9,5 milliardas euros.
Sch’il pass a la bursa reussescha, valess Porsche tenor l’agentura Reuters radund 75 milliardas euros. Quai fiss la pli gronda entrada en la bursa en Germania dapi quella da la Telekom avant 25 onns. Cun il retgav vul Porsche surtut promover ina midada sin motors electrics.
Construiders d'autos da luxus sco Porsche vegnan valitads a la bursa aut, malgrà lur gudogn. Els èn pli pauc dependents da la conjunctura che per exempel construiders d'autos da massa. Per cumparegliaziun cun la valitaziun da Porsche a la bursa per 75 milliardas euros: VW vala a la bursa 87 milliardas euros, malgrà il gudogn bler pli grond.
