Siglir tar il cuntegn

Header

cuntegn

Elecziuns communalas Victoria per la partida Fratelli d'Italia

En l'Italia hai dà sur Tschuncaisma elecziuns en pliras vischnancas. La gronda victura è Giorgia Meloni cun sia partida «Fratelli d'Italia». En il champ dretg hai dà in spustament d'electuras ed electurs. Tant la partida da Silvio Berlusconi «Forza Italia» sco er quella da Matteo Salvini «Lega» han pers electurs.

Nov è che la partida da Meloni ha er gudagnà elecziuns en il nord, en la Lumbardia ed en la Venezia. Là ha fin uss la Lega regì. Ed er la partida da Berlusconi mussa fitg schlets resultats senza lur manader. Berlusconi è fitg malsaun en il mument.

Er l'opposiziun sanestra perda

En la Toscana, nua che la Sanestra è tradiziunalmain ferma, ha Meloni gudagnà vitiers. Las chasas communalas a Brindisi ed Ancona occupescha uss sia partida. Ed autras citads sco Siena e Pisa ha ella tegnì. Quai giascha er vidlonder ch'il moviment 5-stailas e la Partida socialdemocratica n'han betg collavurà tar las elecziuns.

audio
Per tadlar: las novitads da las 09:00
ord RTR Audio dals 30.05.2023.
laschar ir. Durada: 2 minutas 59 Secundas.

RTR novitads 09:00

Artitgels legids il pli savens