Elecziuns en Frantscha - Co funcziunan ellas – e tgi candidescha insumma?

Co funcziunescha l'elecziun?

La populaziun franzosa elegia directamain il president u la presidenta. Tuttas e tut ils franzos davent da 18 onns dastgan eleger, independent dal lieu nua ch'els stattan. Il candidat u la candidata cun la maioritad absoluta da las vuschs en l'emprim scrutini gudogna. Sch'i na dat betg in victur u victura suenter l'emprim scrutini, datti in segund, cun las duas persunas cun las bleras vuschs da l'emprim scrutini, là gudogna quel u quella cun las bleras vuschs.

Per dastgar candidar ston ins inoltrar 500 padrinadis da persunas elegidas, per exempel presidents communals u deputadas dal parlament.

audio

Uschia funcziuna il sistem electoral da la Frantscha

03:12 min, ord Actualitad dals 08.04.2022.

laschar ir. Durada: 3 minutas 12 Secundas.

Ils termins impurtants

• 10 d'avrigl 2022: l'emprim scrutini cun tut ils 12 candidats e candidatas.
• 24 d'avrigl 2022: il segund scrutini cun las duas candidatas u candidats cun las bleras vuschs da l'emprim scrutini.

Maximalmain 10 dis suenter l'elecziun surpiglia il nov president u la nova presidenta l'uffizi.

Tgi candidescha?

1 / 13

Legenda: Cun in clic a dretg vegnis Vus tar ils candidats e las candidatas, cun indicaziun da la partida e direcziun politica. Reuters

2 / 13

Legenda: Nathalie Arthaud Lutte Ouvrière (partida sanestra da la vart dal trotzkissem) Keystone

3 / 13

Legenda: Nicolas Dupont-Aignan Debout la France (partida naziunal-conservativa) Keystone

4 / 13

Legenda: Anne Hidalgo Parti socialiste (partida socialdemocratica) Keystone

5 / 13

Legenda: Yannick Jadot Europe Écologie-Les Verts (partida verda) Keystone

6 / 13

Legenda: Jean Lassalle Résistons (partida critica al capitalism) Keystone

7 / 13

Legenda: Marine Le Pen Rassamblement National (partida populista da dretga) Keystone

8 / 13

Legenda: Emmanuel Macron En Marche (partida social-liberala) Keystone

9 / 13

Legenda: Jean-Luc Mélenchon La France insoumise (partida populista da sanestra) Keystone

10 / 13

Legenda: Valérie Pécresse Les Républicains (partida conservativa) Keystone

11 / 13

Legenda: Philippe Poutou Nouveau Parti anticapitaliste (partida anti-capitalistica) Keystone

12 / 13

Legenda: Fabien Roussel Parti communiste français (partida communista) Keystone

13 / 13

Legenda: Èric Zemmour Reconquête (partida extremista da dretga) Keystone

Tgi gudogna?

Tenor las davosas enquistas da differents instituts demoscopics han be il president actual Emmanuel Macron e Marine Le Pen schanzas da vegnir en il segund scrutini.

Savevas gia?

La «5avla republica» da la Frantscha ha cumenzà 1958 cun la nova Constituziun franzosa. Lur emprim president è stà Charles de Gaulle, elegì dal pievel 1965.

Fin a 2002 vegniva il president franzos elegì per set onns. Dapi 2002 èsi tschintg onns. La medema durada sco per ils deputads e deputadas dal parlament franzos. L'uffizi è limità sin duas periodas, pia maximal 10 onns. Fin uss n'è anc mai stada ina dunna presidenta da la Frantscha.