Siglir tar il cuntegn

Header

cuntegn

Elecziuns Stadis Unids Nagins indizis per irregularitads tar las elecziuns dal president

Tar l’elecziun dal president en ils Stadis Unids saja tut ì, sco quai ch'i tutga. Quai din pliras autoritads da segirezza. Nagins cedels electorals sajan vegnids stizzard u ids a perder ed i na dettia nagins mussaments che l'elecziuns saja vegnida manipulada.

Cun quai refusan las autoritads las rinfatschas dal president en uffizi, Donald Trump. Lez n’ha betg acceptà la victoria da ses concurrent democrat Joe Biden. En divers stadis ha ses team purtà plant cunter il resultat.

Joe Biden gudogna Arizona

Er en il stadi federativ Arizona ha il nov elegì president american Joe Biden fatg dapli vuschs ch’il president en uffizi Donald Trump. Quai mussan uss er las prognosas da l’emettur NBC News e CNN. L’emna passada avevan gia l’agentura da novitad AP e l’emettur Fox News prognostitgà la victoria da Biden en l’Arizona. I va per 11 electurs. Arizona ha ditg valì sco bastiun republicana.

Ord l'archiv

video
Tgi è Joe Biden?
Or da RTR Social dals 09.11.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga