Siglir tar il cuntegn

Header

William Lai, neuer Präsident von Taiwan
Legenda: William Lai Keystone
cuntegn

Elecziuns William Lai daventa nov president da Taiwan

En il Taiwan gudogna il candidat da la partida da la regenza cleramain l’elecziun dal president. Suenter che la gronda part da las vuschs è dumbrada, vegn William Lai da la DPP sin passa 40% da las vuschs. Quai ha communitgà la cumissiun electorala. Ses dus cuntracandidats – che persequiteschan in curs pli amiaivel envers la China – han gia concedì lur terrada. Per la China è il Taiwan be ina provinza malfidaivla. Il resultat final vegn spetgà en il decurs da la saira. La populaziun da Taiwan ha era elegì oz il parlament.

video
Taiwan elegia
Or da News-Clip dals 13.01.2024.
laschar ir. Durada: 15 Secundas.

La partida democratica dal progress, DPP, gudogna la terza elecziun en roda, insatge ch'anc nagina partida dal Taiwan ha dumagnà, dapi ch'il pajais elegia direct il president. La partida sa distanziescha era cleramain da la China. Uschia munta in'ulteriura perioda d'uffizi per in president da la DPP, che las tensiuns cun la China restan e ch'il pajais sa drizza anc pli fitg en direcziun dals Stadis Unids da l'America.

William Lai, ch'era fin qua il vicepresident da stadi, ha annunzià da cuntinuar cun il curs da sia antecessura. El veglia rinforzar la protecziun dal pajais e lavurar ensemen cun las ulteriuras partidas per tegnair il status quo en la via da Taiwan, la part da la mar che parta il Taiwan da la China.

RTR novitads 15:00

Artitgels legids il pli savens