En il ravugl da la famiglia - Prinzi Philip è vegnì sepulì
Prinzi Philip è vegnì sepulì al chastì Windsor. Durant la sepultura è il vaschè cun las restanzas terrestras da l'um da la regina britannica Elizabeth vegnì mess en la cripta roiala.
Pervia da la pandemia da corona èn stadas mo 30 persunas dal stretg ravugl da la famiglia a la sepultura. Il decan da Windsor, David Connor, ha undrà il prinzi Philip. El haja mussà ina loialitad ferma per la regina ed haja servì a l'entira naziun. Era menziunà ha il decan da Windsor l'amicabladad, l'umor e l'umanitad dal prinzi Philip.
En tut il pajais haja la glieud commemorà al prinzi cun ina minuta da silenzi.
