Lonza construescha in nov implant da producziun per Moderna en l'Ollanda. Uschia vul il furnitur da farmazia cun sedia a Basilea extender la rait da producziun per vaccins cunter Corona.
Mintg'onn vul Lonza pudair producir 300 milliuns dosas da vaccin da Moderna dapli. Il nov implant duai vegnir mess en funcziun la fin da quest onn. Quest nov implant da producziun mussia er la collavuraziun pli stretga cun Moderna.
A Visp en il Vallais producescha Lonza gia oz substanzas activas per il vaccin da corona.
