Sin l'insla grecca Euböa, hai dà la notg inundaziuns severas cun gronds donns. Suenter plievgia ferma sajan entiras vias vegnidas purtadas davent e numerusas chasas stettian sut aua. Pliras persunas han stuì vegnir spendradas. Sco il president communal da Mantoudi, Giorgos Tsapourniotis, ha declerà a las medias saja la situaziun fitg dramatica.
Sin l'insla Euböa avevi dà la stad gronds incendis da guaud ch'han destruì dapli che 50'000 hectaras. Uss manchian plantas e chagliom che possian retegnair tar malauras l'aua.
Tut las persunas pertutgadas èn vegnidas spendradas fin dumengia da mezdi.
audio
Per tadlar: Las novitads da las 14:00
ord RTR Audio dals 10.10.2021.
laschar ir. Durada: 2 minutas 49 Secundas.
