Siglir tar il cuntegn

Header

video
Incendis da guaud sa derasan (01.08.2021)
Or da News-Clip dals 01.08.2021.
laschar ir
cuntegn

Sicilia / Grezia Ils incendis furian vinavant

Sin la Sicilia ha la regenza regiunala declerà il stadi d'urgenza per sis mais. Quai pervia dals incendis da guaud sin l'insla. Il president regiunal ha declerà via Facebook ch'i brischia dapi la fin da fanadur e ch'i dettia er las proximas ina ristga d'incendis pervia da las chaliras. En l'Italia regian il mument, sco en blers lieus en l'Europa dal Sid, er temperaturas da passa 40 grads. L'Uniun da l'agricultura taliana ha discurrì da la pli chauda stad dapi decennis.

Insla Euböa cloma per agid

L'insla dovria dapli aviuns da stizzar per cumbatter ils fieus, ha il guvernatur scrit via Facebook. Sch'i na vegnia fatg nagut sa derasia il fieu probabel ora sin sin l'entira insla. Euböa è la segund gronda insla da la Grezia. Dapi dis furian là incendis vehements. Persunas han per part stuì vegnir evacuadas cun bastiments.

Da la Svizra èn entant trais helicopters da l'armada sin viadi en Grezia. Damaun duain quels sugular las emprimas acziuns, communitgescha la Confederaziun.

RTR novitads 12:00

Artitgels legids il pli savens

Scrollar a sanestra Scrollar a dretga