Siglir tar il cuntegn

Header

video
Griechenland: Waldbrände kommen Athen gefährlich nahe
Or da Tagesschau dals 06.08.2021.
laschar ir
cuntegn

Incendis en Grezia Svizra gida a cumbatter ils fieus

La Svizra trametta agid en Grezia. Per gidar a stizzar ils fieus vegnan tramess trais helicopters e var 40 persunas. Quai ha oz communitgà il Departament federal per affars da l’exteriur.

Venderdi suentermezdi è in team dal corp svizzer per agid umanitar sgulà en Grezia. Il team prepara e coordineschan l’agid per stizzar ils incendis cun las autoritads al lieu. Sonda suondan dapli persunas e trais Super Pumas da l’armada sgolan vers Athen. Las operaziuns dal team svizzer per stizzar ils fieus cumenzan la dumengia.

La Svizra trametta agid en Grezia

La Svizra trametta agid sin dumonda da la Grezia. La Grezia cumbatta cun la pli gronda unda da chalurs dapi 30 onns. Quella unda chaschuna fieus gronds en differentas regiuns. Per gronda part èn ils fieus ord controlla. Vischnancas entiras e millis persunas han stuì vegnir evacuadas e pervi dals fieus croda ora l’electricitad en adina dapliras parts dad Athen.  

Era la Tirchia e l’Italia cumbattan cun incendis gronds, ed era en quels pajais èn persunas vegnidas evacuadas. Las chalurs na paran betg da prender ina fin, era per ils proxims dis vegnan spetgadas temperaturas sur 40 grads.

audio
Per tadlar curt e cumpact
01:48 min, RTR Audio dals 06.08.2021.
laschar ir. Durada: 01:48 minutas.

RTR novitads 17:00

Artitgels legids il pli savens

Scrollar a sanestra Scrollar a dretga