Passa 3'000 persunas èn s’infectadas cun il coronavirus al final dal campiunadi europeic da ballape ils 11 da fanadur a Londra. Quai ha communitgà l’Uffizi da sanadad britannic. Las cifras mussian che bunamain 2’300 dals fans en ed enturn il stadion da Wembley sajan fitg probabel stads contagius durant il final. L’uffizi da sanadad quinta perquai che passa 3’400 persunas sajan s’infectadas quest di.
Controllas manglusas
Per dastgar ir en il stadion han ils fans stuì inditgar ch’els sajan vegnids testads negativ. Dentant n’han els betg stuì mussar il test ch’avess er cumprovà quai. En tut han ils organisaturs laschà entrar 60'000 aspectaturas ed aspectaturs per guardar il final. L’Engalterra ha pers il final cunter l’Italia cun 2:3 suenter sajettar penaltis.
Ord l'archiv